Ateneo, nangalampag na rin sa Senado hinggil sa impeachment ni VP Sara

By Kate Garcia

June 07, 2025

In BALITA

Nakiisa na rin ang Ateneo School of Government sa mga unibersidad sa bansa na nangalampag sa Senado sa nakabinbing impeachment laban kay Vice President Sara Duterte.

Sa pahayag na inilabas ng Ateneo nitong Sabado, Hunyo 7, 2025, iginiit nila ang panawagang pagtugon umano ng Senado sa kanilang obligasyon sa konstitusyon.

"We call on the Senate to fulfill its Constitutional duty and to proceed with the impeachment trial of Vice President Sara Duterte," saad ng Ateneo School of Governance.

Inungkat din nila ang nakaambang posible raw na maibasura ang impeachment laban sa Bise Presidente bago pa ito tuluyang umusad bilang impeachment trial.

KAUGNAY NA BALITA: 'Confirmed!' Sen. Jinggoy, nabasa na resolusyon para ibasura umano ang impeachment ni VP Sara

"Dispensing the case without the benefit of a trial is a dereliction of duty and a clear attempt to whitewash the accusations raised against a public official," anila.

Bunsod nito, pinaalalahanan nila ang mga senador at hinikayat na umpisahan ng buksan ang Senado bilang impeachment court.

"We remind our senators that they are public servants and their mandate is based on the people's trust," saad ng Ateneo.

Dagdag pa nila, "Convene the impeachment court now."

Matatandaang nauna naring nagpahayag ng kanilang tindig ang University College of Law at De La Salle University sa pagkaantala ng impeachment ni VP Sara.

KAUGNAY NA BALITA: DLSU, kinalampag na rin ang Senado para pagulungin paglilitis kay VP Sara

KAUGNAY NA BALITA: UP College of Law, kinalampag na Senado hinggil sa impeachment vs. VP Sara

Romualdez, kinondena tensyon sa Middle East; seguridad ng mga Pinoy, pinatututukan

Nanawagan si House Speaker Martin Romualdez sa international community maging sa ahensya ng pamahalaan tungkol sa lumalalang sigalot sa Middle East.Sa kaniyang pahayag nitong Lunes, Hunyo 6, 2025, nangalampag si Romualdez sa Department of Foreign Affairs (DFA) at Department of Migrant Workers (DMW) na patuloy na makipag-ugnayan sa pamahalaan ng Lebanon, Israel at Jordan para sa mga Pilipinong...

Conti, bumwelta sa pahayag na 'powerless' na si FPRRD: 'Lokohin mo lelang mo!'

Nagbigay ng tugon si human rights lawyer Atty. Kristina Conti sa pahayag na powerless na umano si dating Pangulong Rodrigo Duterte para sa pansamantala nitong paglaya sa International Criminal Court (ICC).MAKI-BALITA: FPRRD, humiling na ng interim release; may bet ng puntahan na bansaSa programa nina Ted Failon at DJ Chacha nitong Lunes, Hunyo 16, inihayag ni Conti ang hindi niya pagsang-ayon sa...

Pangalan ni Remulla, nadawit sa pekeng dokumento

Naglabas ng pahayag ang Department of the Interior and Local Government (DILG) kaugnay sa pagkakadawit ng pangalan at pirma ni DILG Secretary Jonvic Remulla sa isang pekeng dokumento. Sa isang Facebook post ng DILG nitong Lunes, Hunyo 16, sinasabi umano sa dokumento na awtorisado ng ahensya ang isang procurement contract na nagkakahalaga ng ₱600 million para sa isang construction...