Sen. Padilla, aminadong mangangamoy Duterte kahit sunugin siya!

By Kate Garcia

June 09, 2025

In BALITA

Kinumpirma ni Sen. Robin Padilla na may mga resolusyong niluluto ang mga Duterte allies sa Senado upang maibasura ang nakabinbing impeachment ni Vice President Sara Duterte.

Sa ambush interview ng media kay Padilla nitong Lunes, Hunyo 9, 2025, iginiit niyang iisang Duterte ally pa rin sila bagama’t magkakaiba raw ang mga resolusyong ginagawa nila laban sa naturang impeachment.

“Hindi kami nag-uusap-usap. May kaniya-kaniya kaming isip, may kaniya-kaniya kaming gawa, may kaniya-kaniya kaming staff,” aniya.

Ipinagmalaki rin niyang nananatili raw silang maka-Duterte sa Senado bagama’t magkakaiba ang maaring maging laman ng kanilang resolusyon.

“Kami, Duterte kami. 'Di ba malinaw naman siguro 'yon? Kahit sunugin mo 'ko dito, mangangamoy Rodrigo Roa Duterte ako. Pero yung draft ko, walang kinalaman sa draft ni ganito o sa draft ni ganon. Akin yun sa sarili ko,” saad ni Padilla.

Matatandaang pumutok ang usapin ng mga Senate draft resolution matapos itong ihayag ni Sen. Imee Marcos na maraming reso na raw ang nagkalat sa Senado na nagtatangkang harangin ang impeachment ni VP Sara na inaasahang tuluyan ng gugulong sa Hunyo 11.

KAUGNAY NA BALITA: 'Meron o wala?' Mga senador, iba-iba tugon sa resolusyong babasura sa impeachment ni VP Sara

Kaugnay nito, umamin na rin Sen. Bato dela Rosa na isa sa mga resolusyong kumakalat sa kapwa niya senador ay nagmula raw sa kaniyang tanggapan na naglalaman ng kaniyang personal na sentimyento.

KAUGNAY NA BALITA: 'Made from Bato!' Reso para ibasura impeachment ni VP Sara, galing kay Sen. Bato

Lotto winner sa Laguna na 30 years nang tumataya, kumubra ng ₱70M premyo sa PCSO

Kinubra na ng lone bettor mula sa Laguna ang napanalunan niyang Mega Lotto 6/45 jackpot prize sa Philippine Charity Sweepstakes Office (PCSO). Ayon sa PCSO, napanalunan ng lone bettor ang mahigit ₱70 milyon noong Mayo 21 draw. Nahulaan nito ang winning numbers na 10-18-19-23-25-28. Personal na kinubra ng lone bettor ang premyo kay PCSO Gen. Manager Mel Robles. Naikuwento rin niya mula pa...

Hontiveros, 'parang na-gaslight' matapos ibalik sa Kamara ang Articles of Impeachment

Naghayag ng saloobin si Senator Risa Hontiveros hinggil sa naging hakbang ng Senado sa impeachment trial laban kay Vice President Sara Duterte noong Martes, Hunyo 10.Matatandaang 18 senador ang pumabor sa mosyon nina Senador Alan Peter Cayetano at Senador Bato Dela Rosa na ibalik sa Kamara ang Articles of Impeachment laban sa bise-presidente. Samantala, lima naman ang naghayag ng...

'Sapul!' Tipak ng bato sa Skyway, bumagsak sa isang SUV

Bahagyang bumigat ang trapiko sa kahabaan ng Barangay Tambo, Parañaque City matapos tamaan ng batong natipak mula sa Skyway ang isang SUV nitong Miyerkules, Hunyo 11, 2025.Ayon sa mga ulat, wasak ang windshield at hood ng naturang sasakyan matapos mabagsakan ng ilang tipak na bato habang dumadaan sa ilalim ng Skyway.Agad na rumesponde ang mga awtoridad upang masagip ang dalawang sakay ng sasakyan...